بسم الله الرحمن الرحيم
ارجو قراءة الموضوع دا لاخره بتفكير و تفكر.و ارجو تقبل الموضوع و عدم حذفه ان كنتم تستطيعون الرد على ما ساكتبه فيه.
اولا يا جماعة انا شخص مسلم موحد بالله و مؤمن بكتاب الله و الصحيح من سنة رسوله .أنا عامل الموضوع دا مخصوص علشان ادعو اتباع الدين السلفى للاسلام و الايمان بالله و البعد عن الدين الوهابى اللى بيتبعوه اللى بيدعوا للشرك بالله بتقديس ناس يطلقون عليهم اسم ائمة و علماء و حاجات كدا.
الدين الوهابى زيه زى الدين الشيعى بالظبط , الاتنين بيعتبروا نفسهم مسلمين و الاتنين لا يمطوا بالاسلام بصلة و الاتنين معاهم نفس قران المسلمين .
نبدا من الاول خالص , ايه مشكلة السلفيين؟ انهم بيدعوا بقدسية البخارى و مسلم و غيرهم زى الأئمة الأربعة و مش بيعتبروهم بشر بيجتهدوا و يخطؤوا و قد يكونوا فى اعلى درجات الجنة و قد يكونوا فى الدرك الاسفل من النار لاننا منعرفش و منقدرش نحكم على بشر أبدا مهما كنا نظن بهم الخير,السلفيين بيؤمنوا ان كل ما فى صحيح البخارى و مسلم من احاديث هى صحيحة تماما و هنا الكارثة , اولا بسبب ان فى صحيح البخارى و مسلم احاديث كتير موضوعة و محرفة و تختلف تماما مع العقل و المنطق و القران و الاسلام كله و تسيىء للرسول (ص) و لله و تسيىء للاسلام كله و هذكر كتير من الاحاديث دى و مستنى ردود لتفسيرها, ثانيا فى بعض تفسيرات لايات فى القران بيفسروها بطريقة خاطئة و عندهم فكر تكفيرى للغير , اى حد يختلف معهم تنهال الاتهامات بالباطل زى انت كافر او انت شيعى او انت ماسونى او انت يهودى او انت مسيحى او انت قسيس , الاتهامات دى تطلع علطول لاى حد يدعوهم للتفكير و التفكر , ثالثا فهمهم خاطىء للقران و السنة فى طريقة التطبيق يعنى الرسول (ص) لما يعمل حاجة خاصة بزمنه عايزين يطبقوها فى زمننا دا كأن التطور و العلم البشر اكتشفهم منغير علم ربنا مثلا او كان ربنا مش هو اللى ادانا العلم للتقدم و التطور دا (استغفر الله العظيم) كمثال لبسهم للجلباب و الادعاء انه سنة , اولا الرسول (ص) مثلا كان بيلبس الجلباب لانه لبس قومة (يعنى الكفار ايامها كانوا بيلبسوا الجلباب هما كمان , مكانوش مثلا بيلبسوا بدل و قميص و بنطلون) الادعاء بان الجلباب دا سنة شىء مخجل و منافى للعقل , هو مش ربنا اللى اعطانا العلم و وصل بينا التقدم لان يبقى عندنا صناعة غزل و نسيج و يبقى فى بدل و جاكيت تقيل للبرد و غيره و لا علشان الرسول(ًص) كان بيلبس جلبية من 1500 سنة نلبس جلبية و ندعى انها سنة؟؟
دلوقتى السلفيين بيدعوا انهم مسلمين , طيب اتحدى اى سلفى انه يكون بيفكر و بيتفكر , ناخد مثال , احنا ليه ربنا خلقنا من الاساس؟ ربنا خلقنا لسبب واحد بس و هو العبادة (بجميع مشتقاتها زى العمل و تعميير الارض) , طيب ربنا عنده العديد من المخلوقات زى الملائكة و الجن و الانس ,نيجى للقران
وَإِذْ قَالَ رَبُّكَ لِلْمَلاَئِكَةِ إِنِّي جَاعِلٌ فِي الأَرْضِ خَلِيفَةً قَالُواْ أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاء وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لاَ تَعْلَمُونَ
الملائكة كانت عايزة تعرف ليه ربنا خلق الانسان مع انها بتتعبد طول الوقت , احنا كمسلمين لازم نكون عارفين الاجابة و هى ان الملائكة تعبد الله عن اجبار , لله مخلوقات زى الملائكة تعبد الله عن اجبار (الملائكة ليست مخيرة و بالتالى ليس لها ثواب و عقاب) و تعبد عن يقين بوجود الله , و لله مخلوقات اخرى زى الجن لها حرية الاختيار فى ان تعبد الله او لا تعبده و لها ثواب و عقاب بس الفرق بينها و بين الانسان ان الجن بيعبد الله عن يقين لا يقبل الشك بوجود ربنا , نيجى للانسان , ربنا خلق الانسان مخير فى عبادته او الكفر به (مخير فى طاعة الله و معصيته) .الانسان لم يرى الله و لم يرى الملائكة و لم يرى اى شىء الا ايات الله مثلا فى الكون و فى نفسه و غيره(يراها الانسان المتفكر فقط) و لكنه يعبد الله و يؤمن به عن علم يقين و ليس عين يقين زى بقية مخلوقات الله و هنا ميز الله الانسان.
يعنى من الاخر احنا مشوفناش اى حاجة و ايمانه كله علم يقين, ايمان عن اقتناع بالعقل
طيب هل ربنا خلقنا علشان نصلى و نتعبد بس؟ لأ , ليه , لو كان عايز كل اهل الأرض يصلوا كان ممكن يجبرهم يصلوا ,طيب عايزهم يصلوا عن اختيار مش عن اجبار بس و هى دى العبادة؟ طيب ليه ربنا نزل اكتر من كتاب و منهج؟
ربنا كان ممكن ينزل دين واحد من الاول و ميسمحش للدين دا انه يتحرف و يكون الدين دا لكل اهل الارض حتى اخر الزمان لو كان كل المطلوب من الانسان هو العبادة ؟ ليه ينزل كذا دين و يسمح بتحريف الانجيل و التوراه؟؟ ربنا مش عايز عبيد يصلوا و خلاص , ربنا عايز عباد يفكروا و يتفكروا و يعقلوا فيعبدوا الله بعد ايمان مش زى كتير اوى من اللى بيدهوا انهم مسلمين بيتبعوا دين ابائهم زيهم زى الكفار بالظبط لا يعقلون و لا يتفكرون وهما اساسا مش مسلمين.
ربنا امر المسلم باوامر هى اساس الايمان و هى التفكير و التفكر , ليه؟ لان الانسان بيؤمن بعقله , يعنى ايه؟
الدين عند الله الاسلام , طيب هل كل الناس فى الدنيا لقوا نفسهم مسلمين و لا فى اتولد لقى اهله يهود فبقى يهودى و فى مسلمين فبقى مسلم و فى كفار فبقى كافر و فى مسيحيين فبقى مسيحى؟؟
طيب ايه المطلوب من كل الناس دى ؟ المطلوب منهم انهم يسلموا , طيب انا واحد يهودى مثلا كل لما اسال يتقالى الدين الاسلامى و المسيحى دول مش اديان سماوية وان الدين عند الله هو اليهودية , نفس الكلام انا مسيحى اهلى و مجتمعى و القساوسة بيقولوا ان ربنا هو المسيح (استغفر الله العظيم ) و ان الاسلام دا مش دين سماوى و انه تاليف و غيره من الكلام دا ,
الحاجة الوحيدة المشتركة بين المسلم و المسيحى و اليهودى و الكافر هى العقل و الفطرة و دى سبب اننا هنتحاسب , الحيوانات لا تحاسب و ليس لها جنة و لا نار , الشخص المجنون لا يحاسب حتى
ايه اللى هيخلينى احول للاسلام؟
حاجة واحدة بس و هى التفكير و التفكر , علشان الانسان يؤمن بالله فى مبدا مهم جدااا لازم يتبعه , الانسان ميحطش الدين فوق عقله بمعنى دين ربنا لا يمكن يخالف العقل ابدا , اللى بيحط الدين فوق عقله و كل لما يجى يفكر او يتفكر يخاف يضل هيعيش كافر و يموت كافر , نفس الكلام لازم يتبعه المسلم , لازم يفكر و بتفكر زى ما ربنا امر فى القران (أفلا تعقلون , أفلا تفكرون؟) لان التفكير و التفكر دا اساس الايمان , مش ممكن يكون الدين اللى انا بتبعه دا دين محرف و انا مش شايف كدا لان كل ما اجى افكر فى موضوع اقول او حد يقولى لا حرام التفكير فى الموضوع دا , لا انت كدا هتكفر لو فكرت فى الموضوع دا.
لو كان ربنا خلقنا كلنا على دين واحد او حتى منهج واحد بفكر واحد كان الانسان مفروض يسمع و يطع بس كل واحد فينا اتولد و اتبع دين ابائه , علشان يؤمن بالله لازم يفكر و يتفكر!!
طيب انا مسلم ,هل لازم افكر و اتفكر؟ ضرورى جدااااا لان القران حمال اوجه (دا كلام على ابن ابى طالب كرم الله وجهه) و القران ليس له تفسير اطلاقا (كلام الشيخ الشعراوى) لان لو كان له تفسير كان الرسول(ص) اولى بتفسيره لكنه فسر لاهل زمنه ما يحتاجونه من القران و ربنا قال فى القران
هُوَ الَّذِيَ أَنزَلَ عَلَيْكَ الْكِتَابَ مِنْهُ آيَاتٌ مُّحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاء الْفِتْنَةِ وَابْتِغَاء تَأْوِيلِهِ وَمَا يَعْلَمُ تَأْوِيلَهُ إِلاَّ اللَّهُ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِّنْ عِندِ رَبِّنَا وَمَا يَذَّكَّرُ إِلاَّ أُوْلُواْ الأَلْبَابِ
الكلام واضح و صريح لا يعلم تاويله الا الله يعنى ربنا بس اللى يعلم تاويله و ما يذكر الا اولوا الالباب يعنى اصحاب العقول!!!!
لو كل اهل الارض فكروا و تفكروا لازم كلهم يسلموا علشان ربنا خلقنا على فطرة معينة متطابقة من انسان لاخر حتى لو اختلف العقل , اللى بيفسد الفطرة دى هى الجهل فى المجتمع و تاثير المجتمع و الاهل و غيره و لكن لو كل انسان رجع للفطرة لا يمكن اى بشر يختلف عن الاخر فى ادراك حقيقة وجود الله و فهم منهجه.
طيب بما ان القران حمال اوجه و ليس له تفسير واضح و صريح , طيب احنا نستخدم السنة فى فهم القران؟؟ اكيد طبعا بس لازم نفهم ازاى نفهم القران و السنة
القران ربنا حفظه من اى تحريف , مفيش اى بشر يقدر يختلف مع النقطة دى لان مفيش منه نسخ , كل المسلمين يحملوا نفس النسخة من القران, هل الحديث الشريف ربنا حفظه من التحريف؟
الاجابة لأ , ربنا سمح بتحريف الحديث الشريف و هوضح السبب , الحديث الشريف فى احاديث صحيحة و فى احاديث موضوعة و فى احاديث ضعيفة بعكس القران اللى ربنا تعهد بحفظه فمقدرش بشر يحرف فيه كلمة!! هل فى اية ضعيفة؟ لا طبعا , طيب ليه ربنا سمح بتحريف الاحاديث ؟؟ ليختبر المسلمين اختبار شديد الصعوبة علشان ربنا هو العدل لو كان القران يفهم بفهم واحد و الاحاديث كلها صحيحة مفهومة بفهم واحد يبقى ربنا ظلم غير المسلمين, ازاى؟
اليهودى او المسيحى او الكافر لو عايزين يخشوا الجنة مفروض يعملوا ايه؟ اول خطوة يعملوها انهم لازم يحولوا للاسلام , طيب هل الموضوع دا سهل؟ لا طبعا دا صعب جداااا , ليه؟ اولا لان عليهم ان يفكروا و يتفكروا , بعدين عليهم يبحثوا و يفهموا و يسالوا و بعدين يؤمنوا و بعدين يواجهوا اهلهم اللى اغلب الظن هيقاطعوهم و يواجهوا اصدقائهم و مجتمعهم و غيره, تخيل مطلوب منك انك تغير دينك!!!
طيب لو ربنا معملش اختبار صعب جدااا فى الدنيا للمسلمين ليفتنهم علشان يبين المسلم الحق منهم المؤمن بالله عن تفكر و تفكير من مدعى الاسلام اللى فاكر نفسه مسلم لانه اتولد مسلم و ممكن يكون بيادى كل الفروض و النوافل و غيرهم كمان يبقى ظلم غير المسلمين و طبعا ربنا لا يظلم مثقال ذرة!
سؤال مهم , هل فى مسيحي او يهودى او بوذى او عابد للبقر او غيرهم بيصلى و يصوم حسب تشريعهم اللى احنا كمسلمين مؤمنين انه محرف؟ طبعا فى , يعنى فى مسيحيين متدينين جدا بالنسبة لدينهم اللى بيقولوا عليه و فى منهم اللى بيتعبد فى الكنيسة علطول و بيصوموا صيام شاق جدااا , لو الشخص دا اتولد مسيحى و صلى و صام و عمل كل اللى بيطلبه منه دينه و مات , ايه ذنبه يخش النار؟ ذنبه انه مفكرش , لو كان فكر و تفكر كان اكتشف ان دينه محرف , طيب هل من العدل ان مسلم اتولد و صلى و صام و نفذ كل اللى دين ابائه قاله عليه و فى الاخر يخش الجنة علشان حظه انه اتولد مسلم و التانى حظه انه اتولد مسيحى يخش النار؟ طبعا لا لان دا تشكيك فى عدل الله , علشان كدا من عدل ربنا انه يخلى المسلم يفكر و يتفكر زيه زى اى دين تانى بانه يخلى السنة تتحرف و القران بدون تفسير واحد علشان يختبر الناس اللى مولودة على دين ابائها و هو الاسلام هل هو مؤمن بحق ام بيتبع دين ابائه
هل ربنا كان قادر انه يمنع تحريف السنة النبوية بحيث كل الاحاديث تبقى مفيش ذرة شك فيها؟ طبعا كان قادر بس هو سمح بتحريفها علشان احنا كمسلمين نفكر و نتفكر و نجتهد!!!!! مش علشان نقدس اجتهادات شخص زى البخارى او مسلم و نقول على كتبهم اصح الكتب بعد كتاب الله , هل ربنا منزلش القران بتفسير واضح و صريح علشان احنا نقدس اجتهادات او تفسيرات من يطلق عليهم الائمة الاربعة مثلا و لا نقدس مذاهبهم كانهم الهة او رسل او ناس بينزل عليهم وحى؟
لا طبعا و كلامهم و تفسيراتهم و اجتهاداتهم دى كلها اجتهادات حسب فهمهم للقران و السنة فى زمنهم و اختلفوا مع بعضهم كمان لان مفيش بشر عنده العلم و لا بينزل عليه الوحى.
مشكلة اتباع دين محمد ابن عبد الوهاب (الوهابية) انهم عايزين يعملوا منهج واضح و صريح يمشوا عليه بدون تفكير او تفكر و بيتبع المنهج دا اتباعهم و اتباعهم.
هل فى حاجة اسمها شيخ فى الاسلام و لا دا شخص مجتهد , من ضمن اسباب اللى مفروض حد زى المسيحيين يشوفوها لانها دليل واضح على تحريف دينهم وجود شخصيات مقدسة عندهم زى القساوسة و الادعاء بانهم ناس مقدسة و ربنا لازم يظهر لاصحاب العقول اللى عايزين يؤمنوا ايات فجعل كتير من القساوسة دول يخطؤا فى العلن و اكتر زى القساوسة اللى بيتحرشوا باطفال و الفضايح دى , ربنا منزلش اى شخص مقدس و لا شخص بينزل عليه الوحى نهائيا بعد الرسول(ص) نقوم احنا نقدس بعض الناس اللى بتجتهد (الشيوخ) و نقول عليهم ائمة و علماء ؟؟ على فكرة فى شيوخ منافقين و فى شيوخ نصابين بيضحكوا على الناس باسم الدين علشان يكونوا ثروات و غيره , الشيخ لا يعنى شىء للمسلم , مجرد شخص مجتهد له احترام زى احتارم اى شخص اخر , ملوش قدسية او اى حاجة تانية و دا الفرق بين الدين السلفى و دين الاسلام اللى نزل بيه سيدنا محمد.
الدين السلفى مجرد لما انتقد افعال اى حد من كبار شيوخهم كانى غلط فى اله بالنسبالهم بسبب تقديسهم الشيوخ دول لانهم ناس لا يعقلون , الشخص اللى يعقل لا يقدس اى بشر.
ربنا فى القران قال لا تعبدوا الشيطان و اتكلم على عبدة الطاغوت , هل فى شخص بيعبد الطاغوت؟؟ هل الناس بتعبد الشيطان؟؟؟
ربنا قصده اتباع الشيطان و منهجه و شبهه بعبادة الشيطان و قصده اتباع الطاغوت و تبرير افعاله مهما كانت , نفس الكلام اللى بيقدس شيخ يبقى بيعبده و اللى بيقدس البخارى و بيقول عليه لا يخطىء و كل احاديثه صحيحة و ان كتابه اصح كتاب بعد كتاب الله كانه بيعبده بالظبط و بيشرك بعبادة ربنا , كل شخص مجتهد اجره عند الله فى منهم كلامه صح و نيته صافية و فى لأ , الله اعلم بالنواية و بالحساب مش احنا اللى نحكم و لا نقدس.
طيب ليه السلفى مشرك بالله ؟ علشان فى احاديث محرفة تسىء لربنا و تسىء للرسول(ص) و تسىء للاسلام و هذكر الامثلة دلوقتى , طيب الاحاديث دى السلفيين مصممين انها احاديث صحيحة برغم اختلافها مع القران او العقل و المنطق.
هل انت مؤمن ان الشيعى كافر؟ طيب ايه الفرق بين اللى بيؤمن ان سيدنا على كان مفروض يبقى الرسول او انه شخص مقدس او ان ربنا تجسد فى صورة سيدنا على (استغفر الله العظيم ) و اللى بيؤمن ان سيدتنا عائشة كانت بتأمر بنات اخواتها يرضعوا اللى يخشوا عليها او ان الرسول(ص) حاول ينتحر كذا مرة او انه كان بيخرف او مسحور او غيره؟
نيجى لمثال من الاحاديث و دا مثال صغير لبحر من الاحاديث الموضوعة و المحرفة فى الصحيحين
(1
في روايه للبخاري وفتر الوحي فترة حتى حزن النبي صلى الله عليه وسلم ، فيما بلغنا ، حزنا غدا منه مرارا كي يتردى من رؤوس شواهق الجبال ، فكلما أوفى بذروة جبل لكي يلقي منه نفسه تبدى له جبريل ، فقال : يا محمد ، إنك رسول الله حقا . فيسكن لذلك جأشه ، وتقر نفسه ، فيرجع ، فإذا طالت عليه فترة الوحي غدا لمثل ذلك ، فإذا أوفى بذروة جبل تبدى له جبريل فقال له مثل ذلك . الراوي: عائشة - خلاصة الدرجة: صحيح - المحدث: البخاري - المصدر: الجامع الصحيح
هل يعقل ان الرسول (ص) حاول ينتحر ؟؟؟ انا قرات الرد على الحديث الموضوع دا , بيقولوا ان الرسول (ص) حاول ينتحر قبل ما ربنا يحرم الانتحار , طيب سؤال هل الرسول (ص) كان بيسرق قبل ما ربنا يحرم السرقة او حتى قبل ما كان يبقى رسول؟ هل كان يزنى ؟ هل كان يشرب الخمر؟
الادعاء بان الرسول (ص) حاول ينتحر و الايمان بالموضوع دا كفر بين و شديد
(2
http://www.youtube.com/watch?v=kcChhLQhF3E
http://www.youtube.com/watch?v=dDghBsWr2l0
موضوع رضاعة الكبير , هل سيدتنا عائشة كانت تأمر بنات اخواتها ان يرضعوا شخص كبير بالغ؟ هل هذا كلام يعقل؟؟
الكلام دا ينافى العقل و المنطق و القران نفسه و يسىء لسيدتنا عائشة و يسىء للاسلام , و لا يمكن ان يصح الموضوع دا و لا حتى لسالم!!!!
مع ان الحديث واضح ان سيدتنا عائشة كانت تطبق الموضوع دا , ازاى بنى ادم مؤمن بربنا و برسوله يصدق الكلام دا؟؟
افلا تعقلون؟ ازاى تدعوا على سيدتنا عائشة التخاريف و الاكاذيب دى؟ هل دا كلام ممكن يردده شخص مسلم؟
الحديث موضوع و مفيش حاجة اسمها صحيح مسلم , مسلم دا شخص مجتهد مش نبى علشان نقدس الاحاديث اللى رواها و نقر بصحتها مع تعارضها مع العقل و المنطق و القران
(3
نيجى للتخريف على ربنا , هل الله يخطىء و يصيب؟ الله لا يخطىء و بالتالى لا يتردد
عن أبي هريرة رضي الله عنه قال قال رسول الله إن الله تعالى قال من عادي لي وليًا فقد آذنته بالحرب وما تقرب إلى عبدي بشيء أحب إلى مما افترضته عليه ولا يزال عبدي يتقرب إلى بالنوافل حتى أحبه فإذا أحببته كنت سمعه الذي يسمع به وبصره الذي يبصر به ويده التي يبطش بها ورجله التي يمشي بها ولئن سألني لأعطينه ولئن استعاذني لأعيذنه و ما وما ترددت عن شيء أنا فاعله ترددي عن نفس المؤمن يكره الموت وأنا أكره مساءته.(البخارى : الرقاق : التواضع)
هنا سؤال مهم جداااا , هل الله يتردد؟؟
الحديث واضح و صريح , اضافة صفة التردد الى الله عز و جل كفر شديد , ربنا لا يتردد , التردد معناه عدم معرفة الصح من الغلط , هى صفة بشرية و لا تليق برب البشر و كل التفسيرات و التبريرات من عبدة الائمة لا تدخل عقل طفل صغير لان الحديث الموضوع واضح و صريح و بيصيف صفة لله لا تليق برب الكون!!!
(4
الادعاء بان الرسول (ص) قد سحر
عَنْ عَائِشَةَ رَضِيَ اللَّهُ عَنْهَا قَالَتْ : ( سُحِرَ النَّبِيُّ صَلَّى اللَّهُ عَلَيْهِ وَسَلَّمَ حَتَّى كَانَ يُخَيَّلُ إِلَيْهِ أَنَّهُ يَفْعَلُ الشَّيْءَ وَمَا يَفْعَلُهُ , حَتَّى كَانَ ذَاتَ يَوْمٍ دَعَا , وَدَعَا ثُمَّ قَالَ : أَشَعَرْتِ أَنَّ اللَّهَ أَفْتَانِي فِيمَا فِيهِ شِفَائِي ؟ أَتَانِي رَجُلانِ فَقَعَدَ أَحَدُهُمَا عِنْدَ رَأْسِي وَالآخَرُ عِنْدَ رِجْلَيَّ , فَقَالَ أَحَدُهُمَا لِلآخَرِ : مَا وَجَعُ الرَّجُلِ ؟ قَالَ : مَطْبُوبٌ ؟ قَالَ : وَمَنْ طَبَّهُ ؟ قَالَ : لَبِيدُ بْنُ الأَعْصَمِ . قَالَ : فِيمَا ذَا ؟ قَالَ : فِي مُشُطٍ وَمُشَاقَةٍ وَجُفِّ طَلْعَةٍ ذَكَرٍ . قَالَ فَأَيْنَ هُوَ ؟ قَالَ : فِي بِئْرِ ذَرْوَانَ . فَخَرَجَ إِلَيْهَا النَّبِيُّ صَلَّى اللَّهُ عَلَيْهِ وَسَلَّمَ ثُمَّ رَجَعَ فَقَالَ لِعَائِشَةَ حِينَ رَجَعَ : نَخْلُهَا كَأَنَّهُ رُءُوسُ الشَّيَاطِينِ . فَقُلْتُ : اسْتَخْرَجْتَهُ ؟ فَقَالَ : لا , أَمَّا أَنَا فَقَدْ شَفَانِي اللَّهُ , وَخَشِيتُ أَنْ يُثِيرَ ذَلِكَ عَلَى النَّاسِ شَرًّا , ثُمَّ دُفِنَتْ الْبِئْرُ ) رواه البخاري (3268) ومسلم (2189)
هل يعقل ان يسحر الرسول(ص)؟؟؟؟ الحديث دا مدخل للتشكيك فى اى فعل يفعله الرسول (ص) لان ممكن جدا ان يدعى الناس انه مسحور و لا يليق و لا يصح و لا يعقل القول بان الرسول(ص) سحر و الردود على الحديث غير مقنعة تماما.
(5
احاديث كثيرة جداااا تتعارض مع احاديث اخرى!!!! هضرب مثال بس و فى حالة جدال من ناس هذكر امثلة اخرى كتير تانية
567 حدثنا موسى بن إسماعيل قال حدثنا عبد الواحد قال حدثنا الشيباني قال حدثنا عبد الرحمن بن الأسود عن أبيه عن عائشة قالت ركعتان لم يكن رسول الله صلى الله عليه وسلم يدعهما سرا ولا علانية ركعتان قبل صلاة الصبح وركعتان بعد العصر
متفق عليهٌ. البخاري : مواقيتٌ الصلاة ؛ ما صٌلى بعد العصر من الفوابت ونحوها / مسلم : صلاة المسافرينٌ
=====
حديث أبي هريرة رضي الله عنه : أن رسول الله صلى الله عليه وسلم عن صلاتين : نَهَى عن الصلاة بعد الفجر حتى تطلع الشمس ، وبعد العصر حتى تغرب الشمس
رواه البخاري (ح 559)
) متفق عليهٌ. البخاري : مواقيتٌ الصلاة ؛ الصلاة بعد الفجر حتى ترتفع الشمس / مسلم : صلاة المسافرينٌ وقصرها ،
الأوقات التي نهي عن الصلاة فيهٌا (
=====
( ما كان يأتيني في يوم بعد العصر إلا صلى ركعتين
البخاري : مواقيتٌ الصلاة ؛ ما صٌلى بعد العصر من الفوابت ونحوها
فى احاديث كتير اوى تعارض بعضها البعض فى الصحيحين لو عايزين امثلة تانية ممكن ابقى اكتب.
(6
حديث يعارض القران تماما و طبعا تفسيرات بانها كانت حالة خاصة او الحديث منسوخ
كنا في جيش ، فأتانا رسول رسول الله صلى الله عليه وسلم فقال : إنه قد أذن لكم أن تستمتعوا ، فاستمتعوا . وقال ابن أبي ذئب : حدثني إياس بن سلمة بن الأكوع ، عن أبيه ، عن رسول الله صلى الله عليه وسلم : ( أيما رجل وامرأة توافقا ، فعشرة ما بينهما ثلاث ليال ، فإن أحبا أن يتزايدا ، أويتتاركا تتاركا ) . فما أدري أشيء كان لنا خاصة ، أم للناس عامة .
الراوي: جابر بن عبدالله و سلمة بن الأكوع
خلاصة الدرجة: [صحيح]
المحدث: البخاري
المصدر: الجامع الصحيح
الصفحة أو الرقم: 5117
(7
طبعا فى احاديث كتير اوى اوى زى احاديث تقول ان عرش الرحمن لوفاة بشر و الحقيقة انا مش فاهم ازاى عرش ربنا يهتز لموت بشر؟؟ هل الله يتاثر بموت بشر لدرجة ان عرشه يهتز و خصوصا ان موت بشر ربنا قادر انه يرفعه عنده لو يريد او يخليه يقابله لو شاء؟؟؟؟؟
“عن جابر قال: قال رسول الله صلى الله عليه وسلم: اهتز عرش الرحمن لموت سعد بن معاذ” وعند البخاري: “عن جابر رضى الله تعالى عنه: سمعت النبي صلى الله عليه وسلم يقول: اهتز العرش لموت سعد بن معاذ، وعن الأعمش: حدثنا أبو صالح عن جابر عن النبي صلى الله عليه وسلم مثله، فقال رجل لجابر: فإن البراء يقول: اهتز السرير، فقال: إنه كان بين هذين الحيين ضغائن، سمعت النبي صلى الله عليه وسلم يقول: اهتز عرش الرحمن لموت سعد بن معاذ” .متفق عليه
احاديث زى القردة الزانية , هل تزنى القرود؟ هل القرود تعقل لتزنى و يقام عليها الحد؟؟؟
http://www.youtube.com/watch?v=sKj82qhrC-4
و احاديث غيرها كتير جدا فى مواضيع مختلفة تعارض احاديث اخرى و تعارض القران و تعارض العقل و المنطق
مثال كمان حديث دا
أخرج مسلم (1847) عن حذيفة -رضي الله عنه - قَالَ رَسُولُ الله صلى الله عليه وسلم: يَكُونُ بَعْدِي أَئِمَّةٌ لا يَـهْتَدُونَ بِـهُدَايَ، وَلا يَسْتَنُّونَ بِسُنَّتِي، وَسَيَقُومُ فِيهِمْ رِجَالٌ قُلُوبُهُمْ قُلُوبُ الشَّيَاطِينِ فِي جُـثْمَــانِ إِنْسٍ، قَالَ: قُلْتُ: كَيْفَ أَصْنَعُ يَا رَسُولَ الله إِنْ أَدْرَكْتُ ذَلِكَ؟، قَالَ: تَسْمَعُ وَتُطِيعُ لِلأمِيرِ، وَإِنْ ضُرِبَ ظَهْرُكَ، وَأُخِذَ مَالُكَ؛ فَاسْمَعْ وَأَطِع
هل يعقل الحديث دا و جميع الاحاديث التى تحرم الخروج على الحاكم حتى لو كان ظالم؟؟
هل نسينا خطبة ابو بكر
تكلّم أَبو بكر رضي اللّه عنه بعد أن بَايَعَه الناسُ بالخلافة فَحَمِدَ اللّه وأَثْنَى عليه بالذي هو أهْلُهُ ثم قال:
أما بعدُ، أَيُّها الناسُ فَإِني قد وُلِّيتُ عليكم ولست بخيركم فإِنْ أَحْسَنْتُ فَأَعِينُونِي وإِنْ أَسَأْتُ فَقَوِّمُوني. الصِدْقُ أمانةٌ والكَذِبُ خِيَانَةٌ . والضعيفُ فيكم قويٌّ عندي حتى أرجعَ إليه حقَّه إن شاء اللّه، والقويّ فيكم ضعيفٌ عندي حتى آخذَ الحقَّ منه إن شاء اللّه. لا يَدَعُ قومٌ الجِهادَ في سبيل اللّه إلا خَذَلَهم اللَّهُ بالذُلِّ ولا تَشِيعُ الفاحشةُ في قومٍ إِلا عَمَّهم اللَّهُ بِالبلاءِ. أَطِيعُوني ما أَطَعْتُ اللَّهَ ورسولَه فإِذا عَصَيْت اللَّهَ ورسولَه فلا طاعةَ لي عليكم. قُومُوا إلى صلاتكم يَرْحَمْكُمُ اللّه.
هو مش ضرب الظهر و سرقة المال مخالفة لله و رسوله؟ مش الرسول(ص) قال لو فاطمة بنت محمد سرقت لقطعت يدها؟
و بعدين صياغة الحديث نفسه لا يمكن تكون من الرسول(ص) لانها صياغة سيئة و المعنى مرفوض تماما و بيسمح للحاكم بالسرقة و بيمنع أمر ربنا بعدم السكوت على الظلم.
حديث سيدنا موسى اللى فقا عين ملك الموت , يعنى ربنا هيبعت ملك الموت لسيدنا موسى و سيدنا موسى يفقا له يعنه متعمدا؟؟ هل يعصى سيدنا موسى الله؟؟؟
هل المنافق يرى الله؟؟؟هل ربنا ياتى المنافق فى صوره غير صورته ثم فى صورته؟؟
(حديث قدسي) أَخْبَرَنَا أَبُو مُحَمَّدٍ عَبْدُ الرَّحْمَنِ بْنُ عُثْمَانَ بْنِ الْقَاسِمِ بْنِ مَعْرُوفِ بْنِ حَبِيبِ بْنِ أَبَانٍ التَّمِيمِيُّ , فِيمَا أَجَازَ لَنَا , أَنَّ أَبَا الْحَسَنِ خَيْثَمَةَ بْنَ سُلَيْمَانَ بْنَ حَيْدَرَةَ الأَطْرَابُلُسِيَّ , حَدَّثَهُمْ قثنا أَبُو عُتْبَةَ أَحْمَدُ بْنُ الْفَرَجِ الْحِجَازِيُّ , قثنا بَقِيَّةُ بْنُ الْوَلِيدِ , قَالَ : حَدَّثَنِي مُحَمَّدُ بْنُ الْوَلِيدِ الزُّبَيْدِيُّ , عَنِ الزُّهْرِيِّ , عَنْ عَطَاءِ بْنِ يَزِيدَ اللَّيْثِيِّ , قَالَ : كَانَ أَبُو هُرَيْرَةَ , يُحَدِّثُ أَنَّ نَاسًا قَالُوا : يَا رَسُولَ اللَّهِ ، هَلْ نَرَى رَبَّنَا يَوْمَ الْقِيَامَةِ ؟ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " هَلْ تُضَارُّونَ فِي رُؤْيَةِ الْقَمَرِ لَيْلَةَ الْبَدْرِ ؟ " قَالُوا : لا , قَالَ : " فَهَلْ تُضَارُّونَ فِي رُؤْيَةِ الشَّمْسِ لَيْسَ دُونَهَا سَحَابٌ ؟ " قَالُوا : لا , قَالَ : " فَإِنَّكُمْ تَرَوْنَ رَبَّكُمْ عَزَّ وَجَلَّ يَوْمَ الْقِيَامَةِ كَذَلِكَ , يَقُولُ اللَّهُ عَزَّ وَجَلَّ يَوْمَ الْقِيَامَةِ لِكُلِّ أُمَّةٍ كَانَتْ تَعْبُدُ مِنْ دُونِهِ شَيْئًا : مَنْ كَانَ يَعْبُدُ شَيْئًا فَلْيَتَّبِعْهُ , فَيَتَّبِعُ الشَّمْسَ مَنْ كَانَ يَعْبُدُ الشَّمْسَ , وَيَتَّبِعُ الْقَمَرَ مَنْ كَانَ يَعْبُدُ الْقَمَرَ , وَيَتَّبِعُ الطَّوَاغِيتَ مَنْ كَانَ يَعْبُدُ الطَّوَاغِيتَ , وَتَبْقَى هَذِهِ الأُمَّةُ فِيهَا مُنَافِقُوهَا , فَيَأْتِيهِمْ رَبُّهُمْ عَزَّ وَجَلَّ فِي صُورَةٍ غَيْرِ صُورَتِهِ , فَيَقُولُ : أَنَا رَبُّكُمْ , فَاتَّبِعُونِي , فَيَقُولُونَ : هَذَا مَكَانُنَا حَتَّى يَأْتِيَنَا رَبُّنَا , فَإِذَا رَأَيْنَا رَبَّنَا عَرَفْنَاهُ , فَيَأْتِيهِمُ اللَّهُ عَزَّ وَجَلَّ فِي صُورَتِهِ الَّتِي يَعْرِفُونَهُ , فَيَقُولُ : أَنَا رَبُّكُمْ , فَيَقُولُونَ : أَنْتَ رَبُّنَا , فَيَتَّبِعُونَهُ , فَيَضْرِبُ الصِّرَاطَ بَيْنَ ظَهْرَانَيْ جَهَنَّمَ "
متفق عليهٌ . البخاري: صفة الصلاة؛ فضل السجود / مسلم:الإيمٌان؛ معرفة طريقٌ الرؤيا
الاحاديث دى و غيرها هى السبب فى تشكيك ناس كتير من غير المسلمين فى الدين الاسلامى و الاسلام برىء منها و من مردديها , هل يعقل ان الرسول (ص) تزوج سيدتنا عائشة و هى بنت 6 سنوات؟ الكلام دا اسائة للرسول (ص) و لسيدتنا عائشة و من اهم اسباب تشكيك غير المسلمين فى الاسلام و الاسلام زى ما قولت برىء من كل الكلام دا!!!
فى احاديث كتير اوى اوى ممكن اكتبها بس اعتقد كدا كفاية و القصد وضح.
المقصود ليس التشكيك فى السنة اطلاقا, فانا اؤمن بصحيح السنة و الصحيح مش اللى يقول عليه شخص سواء البخارى او مسلم او غيرهم انه صحيح , الصحيح هو كل حديث يتفق تماما مع العقل و القران و المنطق , الانسان المؤمن بربنا اللى امن بيه عن عقل و تفكير و تفكر يقدر يستفتى قلبه و يميز الحديث الصحيح من الحديث الموضوع.
اى حديث يدعو للقتل او يشكك فى الرسول(ص) او زوجاته او الصحابة و يفصهم بصفات لا تليق حديث موضوع علطول , اى حديث يضيف لله عز و جل صفات لا تليق به يؤدى للكفر بشكل مباشر.
طيب ليه ربنا سمح بتحريف السنة؟ علشان يميز المسلم اللى على حق اللى بيؤمن بربنا عن تفكير و تفكر عن الكافر اللى فاكر نفسه مسلم علشان ابائه مسلمين و هو بيتبع دين ايائه بجهل و قد يكون بيصلى و يصوم و يعمل كل العبادات و السنة و كل شىء و فى الاخر كافر زيه زى اليهودى اللى بيصلى و يصوم و يعمل كل العبادات اللى فى كتابه المحرف و فى الاخر كافر لانه غير مؤمن بربنا بس بيتبع دين ابائه و اسوا كمان لان الكافر دا (اللى فاكر نفسه مسلم ) بيسىء للاسلام بجهل و بيحمل وزر ناس كتير اوى كفرت او كانت عايزة تسلم و لما سمعت الكلام دا فى الاسلام لم تؤمن.
علشان تبقى حجة على اى شخص غير مسلم فى يوم القيامة علشان ميقولش اشمعنى المسلمين , تحريف السنة و الايات المتشابهات فى القران من عدل ربنا لدعوة المسلمين للتفكير و التفكر.
اتقوا الله و خافوه و استخدموا عقولكوا اللى ربنا امر باستخدامها اكتر من 40 مرة فى القران و فكروا و تفكروا , افلا تعقلون؟
لازم كمان فى تفسير القران ناخد بالتفسيرات الوسطية و نرجع لكذا تفسير و نستفتى قلبنا قبل الحكم لان محدش عنده العلم انه يفسر , كلها اجتهادات و القران حمال اوجه.
العقل اللى ربنا خلقهولنا لا يمكن يتعارض ابدا مع الدين اللى ربنا منزله , مشكلة ناس كتير انها بتخاف من التفكير و التفكر علشان متضلش و التفكير و التفكر عمره ما يتسبب فى ان شخص على حق يضل ابدا.
ادعوكم لفتح قلوبكم الاول و السعى و البحث و التفكير و التفكر و التاكد من الكلام اللى قولته بعدين استفتوا قلوبكم و ادعوا الله بالهداية و لو كل واحد اجتهد و عمل اللى عليه قبل الدعاء بالهداية مستحيل ربنا يضله ابدا بس بشرط لازم الانسان يجتهد و يعمل اللى عليه قبل ما يدعى.
على فكرة انا فى ردودى مجيبتش ايات علشان محدش يجادل بايات او تفسيرات , انا جايب كلام يخالف العقل و المنطق و القران و كلامى مش هيفهمه الا المؤمنين من اولى الالباب
متسمعوش شيوخ الضلال و اسمعوا للشيوخ المتفكرة امثال الشيخ الشعراوى و الشيخ الغزالى