 |
| جديد المواضيع |
| للإعلان هنا تواصل معنا > واتساب |
| منتدى السنة | الأذكار | زاد المتقين | منتديات الجامع | منتديات شباب الأمة | زد معرفة | طريق النجاح | طبيبة الأسرة | معلوماتي | وادي العرب | حياتها | فور شباب | جوابى | بنك أوف تك |
|
|||||||
 |
|
|
أدوات الموضوع |
|
#1
2013-05-15, 06:50 PM
|
|||
|
|||
عـــــاوز اتغـــيــــر بــس مــش قــادر
بسم الله الرحمن الرحيم
والحمد لله رب العلمين ، والصلاه والسلام على سيد الاولين والاخرين محمد وعلى اله وصحبه اجمعين وبعد هنتكلم يا اخواتى اليوم عن مساله مهمه جدااا جدااا كل شاب وكل فتاه فى امس الحاجه ليها هنتكلم عن مساله الــتـــغـــيــــيـــــر فى كثييييير جدا يا جماعه مش عاجبه حاله ومش راضى عن نفسه هو نفسه يكون كويس نفسه يغير من نفسه حجات كثيييير اوووى موجوده فيه ، بس مش عارف ازاى مش عارف يبدا منين نفسه يتوب ولكن مش قادر فنلاقيه يقول الكلام ده ،،،، انا نفسى اغير شويه من نفسى ومش عارف !! انا نفسى ابعد عن الذنوب والمعاصى واقرب من ربنا ولكن حاسس انه فى حاجه بتمنعنى وتشدنى بعيد عن ربنا وواحد تانى يقول ،،،،،،،،،،، انا حاسس ان الدنيا اسودت فى وشى ، خلاص انا زهقت من نفسى ومش عارف اتغير ، حياتى كلها غلط فى غلط ومش قادر اعمل الصح !!!! الكلام ده يا جماعه بنسمعه كثيييييير على لسان الشباب والبنات فى الا يام دى ، ولو رحنا للشاب او البنت وقلنالهم فى امل وبلاش الياس والاحباط الى انتوا فيه ده ــ تلاقيهم بردوا مش عاوزين يقتنعواا ابداااا ـ، فيقول الشاب ـ امل ايه بس الى انت بتتكلم عليه ما تفوقوا شويه وتعيشوا الواقع الى احنا عايشينوا ،، انا عارف ان حياتى كلها حرام فى حرام ، ونفسى امشى فى طريق ربنا ـ وحاولت اتغير كثيييير اووى ولكن فى الاخر معرفتش واتضح ان الامل فى التغيير ده وهم كبير وان الواحد مستحيل يتغير فى الزمن ده مهما حصل ، ده انا بقيت بهرب من ذنب لذنب ومن معصيه لمعصيه ، وخلاص العمليه مبقتش فارقه معايا كثيييير ، اهو يومين بنقضيهم فى الدنيا ـ وبكره عارفين مصيرينا ايه ، هنتشوى فى جهنم داخلينها داخلينها !!!!! يـــــــــــــــاااااااااااااااااااااااه يا جماعه للدرجه دى الياس والاحباط اتمكن من القلوب ؟؟؟؟ الامل يا جماعه فى انك تتغير موجود طول ما انت قلبك بينبض الامل موجود طول ما انتى لسه فيكى نفس اوعوا يا جماعه تياسوا من رحمه وعفو ربنا ، وتستسلموا للشيطان والذنوب اوعــــــــواا مهما حصل اوعوا تياسوا ــالامل موجود لسه بفضل الله ودوافعه كثييره اوى ولكن الشيطان عمال يدفن اى اثر للامل فى حياتك علشان متحسش انه فى امل لسه ـــ اما بالنسيان او بتضخيم عوامل الياس فى حياتك فتشوفها قدامك زى الجبال الى مش ممكن انها تتزحزح من مكانها ابدا ،، يحسسك انك بذنوبك الكثيره دى استحاله تغير نفسك وتكون انسان كويس ـويوسسوس ليك انك محتاااج قررون علشان تقدر تتغير ! فتبقى تعبان وفى حاله ياس واحباط شديده وتبعد عن ربنا اكثر يــــا اخواتى اكرر مره تانيه اوعوا تياسوا من رحمه ربنا ! ده ربنا اكرم مما نتصور وارحم بينا من اى حد ! ده ربنا بيفرح بتوبتك ورجعوك اليه ! ده ربنا جعل ليك باب التوبه مفتوح ال 24 ساعه علشان تتوب وترجعله مهما عملت ! قال النبى صلى الله عليه وسلم ــان الله عز وجل يبسط يديه بالليل ليتوب مسى النهار ـ ويبسط يديه بالنهار ليتوب مسى الليل ، حتى تطلع الشمس من مغربها مســتــــنـــى ايه بقى ؟؟؟؟؟؟؟؟؟؟؟؟؟؟؟؟؟ ده انت لو عملت ذنوب ومعاصى الدنيا كلها بس توبت ورجعت لربنا ، ربنا هيغفرها ليك ، ده ربنا هو الغفور الرحيم ، بس انت ارجع وقول يا رب اغفر لى وارحمنى بس انتى تعالى وقولى تبت اليك يااااااارب ممكن حد يقولى ــــــــــــ بس انا حاولت اقرب من ربنا قبل كده ولكن مقدرتش اكمل ـ وللاسف رجعت اسوأ من الاول ـــــ انا حاسس ان ربنا مش هيقبلنى تانى خلاص ـ انا قلبى مات من كثر الذنوب والمعاصى الى عملتها ، انا فيييين وفيييين عقبال ما اوصل لربنا ، محتاج سنييين ، اصلك انت متعرفش حياتى عامله ازاى !!! انت لو عرفت الذنوب والمعاصى والبلاوى السودا الى بعملها مش هطيق تكلمنى ! هرد على حضرتك واقول ـــــــــــــ برضوا مهما كانت ذنوبك ومعاصيك ده يا اخى لو كانت كباااائر وانت توبت لله وارجعتله ربنا هيقبلك ويفرح بيك كماااان وموضوع التوبه والتغيير مش محتاج سنييين ولا حاجه زى ما انت بتقول تعرف ده انت ممكن تتغير فى ثانيه واحده والله !!!! اصلوا يا جماعه الطريق الى الله يقطع بالقلوب مش بالاقدام والقلب ده لو دخل فيه ايمان صادق لازم تتيقن ان حياتك هتتقلب للاحسن مره واحده ! تعالوا يا اخواتى اضربلكم مثال بسيط على الكلام ده هل انت فى الاول قلبك اسود من قلوب سحره فرعون ؟؟؟؟؟؟؟ وذنوبك ومعاصيك اكبر منهم ؟؟؟؟ خلى بالك معايا هنا ـ سحره فرعون ناس كفار ومش كده وبس لالا دول كمان سحره واحنا عار فين عقوبه الساحر وكمان دول بيتحدوا ربنا ! تخيل بقى الناس دى قلوبها عامله ازاى ـ قلوبهم طبعا اسود من الفحم ولكن اول ما الايمن لمس قلوبهم مش تغيروا تغير جزئى لالالالالا ده حياتهم كلها اتغيرت بالكامل ربنا وصف حالتهم الايمانيه فى القرءان ــ قال الله عز وجل فالقى السحره سجدا قالوا امنا برب هارون وموسى يعنى اول ما عرفوا الحق وبدا نور الايمن يدخل فى القلب مره واحده سجدوااا على الارض فاول ما سجدوا فرعون قالهم لاقطعن ايديكم وارجلكم من خلف ولاصلبنكم فى جذوع النخل ولتعلمن اينا اشد عذابا وابقى ، بيقولهم هقطعكوا قطع وهلعقكم فى النحل واصلبكم هوريكم اشد انواع العذاب شوفوا السحره قالوا ايه ، شوفوا لما يشرق نور الايمان فى القلب الانسان يبقى قوى ازاى ـ قالوا لن نؤثرك على ما جائنا من البينت والذى فطرنا فاقض ما انت قاض انما تقضى هذه الحيوه الدنيا بيقولوا اعمل الى انت عاوزه فينا طالما احنا عرفنا الحق خلالالالاص استحاله نرجع عنه تانى ، دى دنيا متسويش احنا مش عاوزينها ! يا الله ايه الثبات ده ؟؟؟؟؟؟؟ ده من شويه لسه كانوا بيتحدوا ربنا ــ ايوه ما هو نور الايمان اشرق فى القلب شايفين يا اخواتى التغير الى حصلهم ؟؟؟؟؟؟ تغيروا من كفره الى مؤمنين من الدرجه الاولى ثبات ويقين وايمان فى ثاااااانيه واحده وكمان يا اخواتى صحابه النبى اول ما عرفوا الايمان والتوحيد واسلموااااا كانوا يتعذبوا اشد العذاب ولكن هما ثابتين ، لانه الايمان اشرق فى القلب تعرف يا اخى ،،، تعرفى يا اختى ، انكم ممكن تبقوا من اولياء الله الصالحين ؟؟؟؟ وتسيب الذنوب والمعاصى يعنى ممكن حياتك كلها تتغير فى يوم وليله ! اه والله بس انت خلى نيتك صادقه انك تتغير , اقولك على حاجه ،،،، انت تعرف عمر بن الخطاب رضى الله عنه وارضاه ؟؟؟؟؟؟؟؟؟؟؟؟؟ تعرف الصحابه كانوا بيقولوا عليه ايه قبل ما يسلم ؟؟؟؟؟ كانوا بيقولوا ان عمر بن الخطاب مستتتتتحيل انه يسلم ويدخل الاسلام ! لدرجه انهم كانوا بيقولوا من ياسهم ، لو اسلم حمار عمر بن الخطاب ما اسلم عمر !!! يعنى فى امل ان الحمار يسلم اما عمر فلا ، شوفتوا فقدان الامل وصل لفين ؟؟؟؟ ولكن زى ما قلنا الامل موجود فى الله لا ينقطع ابدا ، واسلم عمر وبقى سيدنا عمر بن الخطاب الفاروق ،، امير المؤمنين ، وثانى الخلفاء الراشدين ، وواحد من المبشرين بالجنه ــ بقى عمر الى النبى قال عنه لو كان نبى بعدى ، لكان عمر بن الخطااااااب سبحان الله حد يتخيل ان ده يحصل ؟؟؟؟؟؟؟؟؟؟؟؟؟؟ وعلشان كده هقولك هات ايدك وتعالى نقرب من ربنا ،،،، هو احنا هنفضل طول عمرنا بعيد عن ربنا ؟؟؟ ليه بس مش عاوزين نقرب من ربنا ، ده ربنا اقرب الينا من حبل الوريد ، انت قر يب من ربنا ولكن فى حائل ، فى شهوه ، فى حاجه واقفه بينك وبينه ، فاحنا لازم نشيل الحاجز ده ، علشان نوصله باذن الله ــ ايوه انا معاك ان الزمن الى احنا عيشين فيه ده ، زمن فتن وزمن شبهات وشهوات ، بس طول ما انت مع ربنا ولا هياثر فيك شى ، ربنا هيرزقك نور البصيره الى تشوف بيه الحق ، ومعيه ربنا دى محتاجه اننا نقرب من ربنا اكثر واكثر علشان اول ما نلجا الى ربنا فى الفتن ونعتصم بيه ينجينا على طول ،،،،،،،، بعد الكلام ده ممكن حد يقولى ،،،،،انتى قلتى كلام نظرى كثيييير ، احنا عاوزين طريقه عمليه نقدر نتغير بيها ، مش كلام وبس ـ يعنى ازاى الواحد يقدر يقرب من ربنا ؟؟؟؟؟؟؟؟؟؟؟؟؟؟؟؟؟ انا اعمل ايه علشان اتغير وابطل ذنوب ؟؟؟؟؟؟؟؟ ايه الـــــــــــحـــــــل ؟؟؟؟؟؟ قبل ما نعرف ايه هو الحل ، تعال اسالك سؤال . هل انت عاوز تتغير بجد ؟؟؟؟؟ هل انت صادق فى كلا مك ؟؟؟؟؟؟؟؟؟ ولا بتتكلم بلسانك وبس ؟؟؟؟؟؟ هل انت نويت انك تتغير وحاولت وجاهدت نفسك مره وراء مره وراء مره ؟؟؟؟؟ مهو المشكله يا جماعه ، ممكن انت تقول انا عاوز اتغير وبتقول الكلام ده بلسانك مش من جوه قلبك ولا حتى فى نيتك التغير !!!! ومن النقطه دى هنحل المشكله // وهنا انا هقولكم الخطوات الى من خلالها هنقدر نتغير للاحسن ونسيب الذنوب ان شاء الله ،،،، اول واهم شى يا اخواتى ، هو الاستعانه بالله عز وجل ، اهم شى انك تستعين بالله وتطلب منه انه يعينك على ترك الذنوب والمعاصى وتعترف له بانك عاجز تماما وانك ضعيف لا حول ولا قوه بك وان القوه لله وحده وهو الى قادر وحده على ان يعينك ،، فالله يا اخواتى هو المعييين ـ قال الله ، اياك نعبد واياك نستعيين يعنى نستعين بالله فى كل شى ثانى شى يا اخواتى ،،،،،علشان نقدر نترك الذنوب والمعاصى ونتغير للاحسن ــ خلى ربنا يشوف جواك جوه قلبك انك عاوز تتغير ، انك عاوز تتوب ، يعنى تكون صادق مع ربنا فى كلامك واعرف ان ربنا مش هيغيرك غير ما تغير الصفات الوحشه الى فيك ، ربنا قال ، والله لا يغير ما بقوم حتى يغيروا ما بانفسهم ثالث شى اخواتى ،،، الاراده والعزيمه القويه ، يكون عندك اراده قويه على ترك الذنب ، تكون الحاجه دى نابعه من جواك ،اوعى تكون ضعيف وياس ومحبط ، خلى عندك عزيمه واراده على التغير رابع شى ،،،انك تجاهد نفسك على ترك الذنب ، يعنى تحاول مره وراء مره وراء مره على ترك الذنب الفلانى او المعصيه الفلانيه ، اوعى تستسلم وتقول ما انا حاولت قبل كده ومقدرتش !!! اوعى تستسلم ، واعرف واتاكد ان فى نهايه كل المحاولات دى , ومجاهده النفس ربنا هيهديك وياخد بايدك اقر ا قول الله عز وجل ، والذين جاهدوا فينا ، ايه النتيجه يا رب ؟؟؟؟؟؟ لنهدينهم سبلنا يعنى هتجاهد نفسك على ترك الذنوب ,,,,,, فى الاخر ربنا هيهديك خامس شى ،،،علشان نقدر نبطل ذنوب ـ هو ترك اصحاب السوء وبيئه المعصيه ودى نقطه فى غايه الاهميه والخطوره ، لانه طالما انت مصاحب اصحاب سؤء مش هيسيبوك فى حالك ، انت نفسك هتتاثر بيهم وتاخذ نفس طباعهم ـ ودول هيجروك للذنوب والمعاصى لان الصاحب ساحب ، اما يسحبك للخير واما يسحبك للشر ، فانت لو عاوز تتغير بجد سيب اصحاب السؤء الى بيعلموك تشرب سجاير والخمر ويعرفوك على مواقع وافلام اباحيه ، والى يخلوك تسمع الاغانى وتعاكس البنات / ووووووووووو سيب دول ودور على الصحبه الصالحه الى تقربك من ربنا وتنصحك وتشجعك على فعل الخير والطاعه واحنا عارفين يا اخواتى قصه قااتل مائه نفس ، الى راح للشيخ وقاله ينفع اتوب ؟؟؟ فالشيخ قاله لالا لانك قتلت تسعه وتسعين نفس ،، فالشخص قتل الشيخ ده وكمل مائه نفس ــ وراح لشيخ تانى وقاله هلى لى من توبه ؟؟ ينفع اتوب ؟.؟ فالشيخ قاله ايوه ومين الى هيحول بينك وبين ربنا ،، ولكن شوف الشيخ قال ايه للرجل القاتل ده ،،،، الشـــــاهـــــد هــــنــــــا ان الشيخ قال للشخص ده سيب الارض والبيئه السيئه دى الى انت فيها ودور على بيئه وارض صالحه وناس صالحه تعبد ربنا معاهم ،،، يعنى علشان نقدر نبطل الذنوب نسيب البيئه والصحبه السيئه ,, سادس شى،،،،،،اننا يا اخواتى نحط فى بالنا اننا ضيوف فى الدنيا ، وعما قريب سنرحل ، ومش هناخد حاجه معانا غير العمل ، ومفيش حاجه فى الاخره هتنفعنا غير رحمه ربنا والعمل ،، فاما هتاخد معاك طاعات واما هتاخذ معاك ذنوب ومعاصى وسيئات ،، فـــاختار ، انت عاوز تاخذ ايه معاك فى الاخره؟؟؟؟؟ ايه الى هينفعك ؟؟؟؟ وايه الى هيضرك ؟؟؟؟؟؟؟ سابع شى ، علشان نتغير للاحسن ، نحط فى بالنا ان الشيطان قاعدلك ومتربصلك ووظيفته فى الدنيا انه يبعدك عن ربنا ويدخللك جهنم ،، ده هو اتوعد لبنى ادم كلهم وقال ،لاغوينهم اجمعين ، ولكن الناس القريبه من ربنا مش هيقدر يعملها حاجه لانها قويه بالله ، ومعتصمه بالله ــفاوعى يا اخى تستسلم للشيطان وتعطيه فرصه انه يبعدك عن ربنا ويغرقك فى الذنوب والمعاصى ، هو عاوزكده ه على طول واقع فى الذنوب وبعيد عن التوبه علشان يدخلك جهنم فى الاخره فالشيطان ضعيف جدااااااااا ، ربنا قال ، ان كيد الشيطان كان ضعيفا / واعرف انك طالما قريب من ربنا مش هيقدر يعملك حاجه ثامن شى ،،،نعرف ربنا يا اخواتى ونفكر فى عظمته وجلاله ،، اسمع عن ربك كثيررر ، اسمع عن الله واعرفه حق المعرفه ، وده يا اخواتى هيكون ، بسماع محاضرات دينيه ، وخطب ، اقرا كتب عن ربنا واعرف معانى اسماء الله الحسنى ،، اسمع قرءان ، حتى ولو كل يوم نسمع محاضره واحده لشيخ مؤثر والله اكيد هنتغير ونغير من نفسنا ، اوعى تقول انا مش فاضى اسمع ، لا يا اخى ده لو حضرتك فى العربيه وشغلت شريط هتسمعه ، احنا بنضيع اوقات كثير جدا مننا فى اشياء مليهاش فايده ـ فمجتش على الساعه دى الى هنسمع فيها عن الله ، وعن الاخره ، واعرف اخى انك لو عرفت الله هتخاف منه ، وتستشعر عظمته ـ وبالتالى مش هتقرب على المعاصى وتحاول تبعد عنها ، وتنهى نفسك وتمسكها عن المعصيه ! عارف لو عملت كده يا اخى ونهيت نفسك عن الذنوب فى الاخره هتفوز بالجنه ــــ اقرا قول الله ، واما من خاف مقام ربه ونهى النفس عن الهوى فان الجنه هى الماوى اخواتى يلا نبدا نغير من نفسنا من دلوقتى محدش ضامن عمره ،، الموت بيجى فجاه ، عاوزين نقرب من ربنا قبل ما نندم ،، اخوتى اكتفى بهذا القدر وصلى اللهم على محمد وعلى اله وصحبه اجمعين والسلام عليكم ورحمه الله وبركاته 
|
|
#3
2013-05-16, 06:46 PM
|
|||
|
|||
وخيرا جزاك الرحمن اخى الكريم
اسعدنى مرورك الطيب
|
|
«
الموضوع السابق
|
الموضوع التالي
»
| أدوات الموضوع | |
|
|
link
تطوير موقع الموقع لخدمات المواقع الإلكترونية