[كافر بالطاغوت]

وهذه دعابة فلا تغضب !

لا أغضب منك فانت من الناس اللذين أحبهم في هذا المنتدي

وما دخل هذا أن الرسول أخذ كيفية الصلاة وكل متعلقاتها عن الله تعالى !

اديني عقلك

اول سورة في القران تثبت ان الرسول كان يصلي

ومش معقول ربنا يأمر الرسول بالصلاة إلا إذا كان الرسول يعلم كيفية الصلاة

كلام منطقي صح

يبقي السؤال دلوقتي من كيف عرف الرسول الصلاة

حاجة من اتنين

يا إما كان في وحي نزل علي الرسول قبل نزول القران اصلا .. فما هو هذا الوحي يا تري واين نجده؟

يا إما إن الصلاة كانت موجودة من قبل والرسول يعرفها قبل البعثة وربما كان يتعبد بها في غار اسمه حراء مثلا ؟

محتاجين كتب عشان نجاوب النقطة دي

أولا هذه صلاة خاصة !!

دا علي أساس إنك كنت بتصلي معاهم طبعا وعرفت إنها صلاة خاصة :)

ما دليلك أنها صلاة خاصة ويعني ايه صلاة خاصة أصلا ؟

ثم وما أدراك أن الله لم يعلم أنبياءه صلاة المسلمين قبل أن يأمهم الرسول ؟؟ وقبل فترة وجيزة من الاسراء مثلا ؟؟؟

وده من كيسك ولا من كيس ابي هريرة

مش بيقولوا البينة علي من ادعي

اثبت أن الله علم الأنبياء صلاة المسلمين قبل أن يأمهم الرسول بفترة وجيزة كما تقول :)

انا عندي حديث بيقول أن الرسول صلي بالأنبياء إماما أي إنسان عاقل هيفهم إن الرسول والإنبياء يعرفون الصلاة من قبل وإلا هيصلوها ازاي وهما مش عارفين :)

اقرأ أحاديث الإسراء والمعراج جيدا ولا تكابر العقل والمنطق فتاتي بما يضحك منه الناس :)

ولكن من قال لك أن صلاة هؤلاء كلها متشابهة ومثلا بالوقت والهيئة ؟؟؟

الأدلة والأيات التي ذكرتها تثبت أن الصلاة عند جميع الأنبياء واحده بهيئتها وكيفيتها حتي أوقاتها التي نعرفها اليوم

والله انت عندك دليل إن صلاة الأنبياء السابقين مختلفة عن صلاتنا أثبت ده بالدليل والبرهان ونكون لك من الشاكرين

وحتى اليوم يصلي اليهود صلاة ما قبل الغروب !! ولكنهم يمسكون التوراة ويهزون أجسامهم !!!
وهذا دليل على عدم التشابه !!!

واضح إنك متأثر انت باليهود بتوع اليومين دول :)

انا مالي ياعم باليهود بتوع اليومين دول ولا حتي بصلاتهم

هو انت مقرأتش القران ولا ايه

طب اسمع كده ربنا بيقول ايه

فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ ۖ فَسَوْفَ يَلْقَوْنَ غَيًّا

يعني انت بتستشهد علي بقوم اصلا ضيعوا الصلاة واتبعوا الشهوات

يعني الدليل ده تبله وتشرب ميته لانه استشهاد باطل في ذاته

ياعمي ركز شوية انا بستشهد بصلاة الأنبياء السابقين مش بصلاة اهل الكتاب اللي ضيعوها اليوم

القران بيثبت إن الأنبياء قبلنا كانوا يقيمون الصلاة ويركعون ويسجدون مثلنا بالضبط

كمان حديث في اصح الكتب عندك بيقول أنه كان في نبي صلي صلاة العصر في وقتها وباسمها وكيفيتها التي نعرفها بالضبط

فعيب عليك والله تترك كل ده وتستشهد بصلاة الصهاينة

انتوا بتاخدوا دينكم من الصهاينة اليومين دول ولا ايه

أليس هذا وكل ما ذكر يدل بل يبرهن ويدمغ وأن للرسول كان وحي ديني وغير وحي القرآن ؟؟!!!

يا سلام عليك يا أبوعبيدة لو تحط ادينا علي الوحي ده وتقولنا هو فين ؟؟

فين يا تري وحي الصلاة واركانها واوقاتها وهيئتها اللي نزل علي الرسول ؟؟

هاتولنا الوحي ده واحنا نُقبل رؤسكم

ثم لماذا لا تغير اسمك التكفيري ؟؟؟ ألا تعلم أن هذا من أعظم الكفر والتكفير ؟؟؟

مش هغيره عشان أوهام في دماغك انت بس

وقولت الكفر بالطاغوت ده في القران وربنا عايزنا كلنا نكفر بالطاغوت

فَمَنْ يَكْفُرْ بِالطَّاغُوتِ وَيُؤْمِنْ بِاللَّهِ فَقَدِ اسْتَمْسَكَ بِالْعُرْوَةِ الْوُثْقَى لا انفِصَامَ لَهَا

شوفت بقي يعني انت كمان لازم تكون كافر بالطغوت ومؤمن بالله عشان تستمسك بالعروة الوثقي

تحياتي