قصة الخلية الاولى للمتطورين

[محب القران]

طبعا متفقين ان قصة الخلية الاولى اهم قصه ممكن نقراها عشان هي قصة جدتنا ,
جدتنا كلنا تصدقون ان عيوني بدت تدمع ونا اكتبها ولا تستغربون , وكيف تبوني ما ابكي وهذي جدتنا كلنا جدة الجميع لازم نحترمها ونقدرها ونحب بعض لاننا كلنا اخوان كلبونا اخوان وحتى الحيوانات اخوان كلنا اخوان حنا والاشجار والطيور والحيوانات والاخطبوطات والطحالب وكل شي ,
يعني الديناصور اخو البكتريا , وكلهم اخواننا لكن ياحليلهم مايدرون للاسف ,
الديناصورات انقرضت قبل تدري بالمعلومه والبكتريا جيت اعلمها طلع ماعندها اذاني , ولو كان الود ودي اضم البكتريا واصرخ في اذنها واقولها الحقيقه لكن معوضين خير انشالله ماتجي مليار سنة اللا وهي متطوره وفاهمه كلشي ولو اني متاثر كثير من هذا الشي , على فكره كل يوم في عيد ميلادي اروح البحر عشان اسلم على الاسماك كلهم واسلم على خد اقرب سرطان بحري اقابله , ياهي وناسة يوم تقابل اخوانك في العيد على البحر , احلى لحظات عمري لدرجة اني كل مارجع من الكرنيش العالم يطالعون فيه بكل استغراب ويقولون وشفيه فمك لونه اخضر مايدرون طبعا اني كنت اسلم على الطحالب اللي في الكرنيش , يعني مادري كيف التخلف هذا معشعش في عقول هالبشر ابفهم الى متى هالحاله محد يحس بمشاعر اهله وقرايبه عشان كذا لازم ننتبه زين لهذي الحكايه

يقولكم سلمتم من كل شر بدت قصة الحياه مع جدتنا الخليه الاولى في ايام زمان قديم الكلام ذا
قديم من جد , تقريبا بعد البراكين بشوي جا في ذاك اليوم امطار رهيبه شي مو طبيعي امطار ورعود وبروق خير كثير طبعا ايامها ماكان في شجر ولاعشب ولا غنم ولا شي ابد مافي أي شي تقدرون تقولون قفله مافي حتى طحالب ,
كان المطر ينزل بغزاره لكن على ايش على رمال وصخور, اقولكم مافي شي بالكثير المطر اذا نزل يسوي فيضان ويمشي , تبون الحق ماكان له داعي , فكروا فيها ينزل المطر ويروح البحر يتبخر ويطلع للسحاب ويرجع مطر بدون أي فايده المهم في ذاك اليوم حصل شي اول مره يصير وبالصدفة شي اغرب من الغرابه فجاه جات نسمة هوا وشالت نقطه مويه من بركة المطر النقطة كانت صغيره جدا نقطه مجهريه والغريب ان الريح شالتها لوحدها ثلاثين كيلو واربع متر ,
وجابتها فوق صخره , الصخره كانت مقعره والنقطه جات في وسط الصخره عشان كذا ماتزحلقت النقطه فاهميني انتوا . وشوي انتهى المطر وراحت السحب كلها تدريجيا في الليل , كان الكلام ذا قبل الساعة اثنعش بخمس دقايق تقريبا
والى الحين النقطه باقي نقطه يعني نقطه عاديه وهنا بدت الحكايه.

ياحبايبي الشي اللي محد يعرفوا بل ويجهلونوا الكثير ان النقطه وهي فوق الصخره ومع شدة الهوا طارت وجات فيها حبة رمل اصغر منها بكثير شفتوا كيف , هذي اللي تكونت منها النواه بعدين .
وبطريقه راح اجيبها لكم الحين,
الحين عندنا نقطة مويه وحبة رمل جوتها الى الان كل شي طبيعي
تقريبا الحين الساعه وحده بعد نص الليل وماهي اللا شوي بعد ما انقشعت السحب اللا ويجي قوس قزح طبعا عارفين انو يجي بعد المطر مايحتاج كلكم اذكيا , ومنكم من راح يقول كيف يجي بالليل....؟ ,
لا حبيبي لازم تفهم انو يجي بالليل , لكن حنا مانشوفه عشان الدنيا ظلام في الليل ,
هذي هي المشكله هو يجي بالليل لكن حنا مانشوفه عشان الظلام لو عندك ناظور ليلي يمكن تشوفه ,
ولعلمكم قوس قزح اللي بالليل تكون الوانه متهيئه اكثر من حق النهار , تدرون وقته في النهار الدنيا تكون حر وقرف والوانه تمر جنبك وتعدي ما ودها تكلم احد.
ماعلينا الحين لما جا القوس قزح على القطره اللي جوتها الرملة جات انعكاسات ضوئيه عجيبه جدا والوان ماجا مثلها ابد داخل القطره شويه جات تفاعلات وحركات وتكونت خيوط مجهريه في القطره وداخل الرمله شي عجيب ,,,,,,,,,
المهم تغيرت القطره كمبليت لدرجة انو حبة الرمل بدات تنبض وتنظم وظايف الخليه وشوي بعد لحظتين فجاه قامت جدتنا وقالت (بسم الله عليه من صحاني من النوم ).
وكذا بدت جدتنا حياتها وصارت تمشي وتتمشى وتناقز وتجري , وشويه طفشت و قالت وش القرف ذا لاحنيس ولا ونيس مافي احد حتى لو يتسابق معي.
مافي اللا ثواني ونطت من الفرحه قالت والله جبتها , مافي اللي افك عمري عن عمري واصير اثنين .
وهاتك هي تزحف من جهه وترجع تزحف من الجهه الثانيه تزحف من هنا وتزحف من هنا تزحف وهي تزحف تزحف هي والثانيه تزحف , اول مانتهت صاروا اثنين , وتسابقوا على طول وشوي اللا قالو لازملنا حكم عشان يصفر حكم محترم ونفس الشي الحين صارت خليه حكم واثنين يتسابقون ,
شوي قالو يبيلنا جمهور لازم جمهور وزي كذا ,

شوي شوي واللا انتو زي ماتشوفون عندنا كاس عالم وعندنا العاب اولمبيه وعندنا بطولات كثير مالها عدد محليه وخارجية فديت روحها لولا الخليه الاولى ماشفنا كاس العالم....

وماقول اللا الله يرحم جدتكم قولوا آمين . وشكرا

[Yasir Muhammad]

هاهاها لا يفوتك لما دخلت في حفرة مقعرة فوق الصخرة هههههه الله يسعدك ههه